Արարատից այն կողմ

Հայ-թուրքական հարաբերությունների շուրջ

ԱՄՆ Սենատում Թուրքիայում Հայ եկեղեցու բռնագրավված գույքի վերադարձման մասին օրինագիծը ընդունվելու մեծ շանսեր ունի. թուրքագետ

ԱՄՆ Սենատում Թուրքիայում Հայոց եկեղեցու բռնագրավված գույքի վերադարձման մասին օրինագիծը ընդունվելու մեծ շանսեր ունի: Այսօր «Առաջին լրատվական»-ի հետ զրույցում նման տեսակետ հայտնեց թուրքագետ Արտակ Շաքարյանը` անդրադառնալով Թուրքիայում Հայոց եկեղեցու բռնագրավված գույքի վերադարձման մասին օրինագծին:

Ըստ նրա` սփյուռքը բավականին հետաքրքիր քաղաքականություն է որդեգրել: «Փաստորեն, մենք ընտրում ենք այլընտրանք Ցեղասպանության ճանաչմանը, ավելի թեթև բան ենք առաջարկում: Շատ հնարավոր է, որ ամերիկյան սենատորները, որպես այլընտրանք նախընտրեն չարյաց փոքրագույնը և ընդունեն այս օրինագիծը, որը կարող է բավականին մեծ ազդեցություն ունենալ»,- նշեց Ա. Շաքարյանը` հիշեցնելով, որ անցած տարի այս նույն սխեմայով մի օրինագիծ ընդունվեց ԱՄՆ-ում: Թուրքագետի գնահատմամբ` խնդիրն այն է, որ այս օրինագիծը ավելի բարոյախրատական իմաստ ունի և Թուրքիայի ներքին գործերի մեջ չի կարող ներգրավվել, այսինքն` բարոյական ապտակ է Թուրքիային: Նրա համոզմամբ` հաշվի առնելով նաև այն, որ ԱՄՆ-ն բավականին կրոնասեր, քրիստոնյա ժողովուրդ է, այս օրինագիծը ընդունվելու մեծ շանսեր ունի:

Հիշեցնենք, որ ամերիկացի սենատորներ Սքոթ Բրաունը, Դայան Ֆեյնշտեյնը և Մարկ Կիրկն ԱՄՆ պետքարտուղար Հիլարի Քլինթոնին կոչ են արել կրոնական փոքրամասնությունների հետ կապված մի շարք հարցերում ճնշումներ բանեցնել Թուրքիայի վրա: Խոսքը քրիստոնյաներից խլված կրոնական ունեցվածքը (եկեղեցիներ, վանքեր, դպրոցներ, հուշարձաններ, հիվանդանոցներ, շարժական գույք՝ ձեռագրեր և այլն) վերադարձնելու, կրոնական փոքրամասնություններին դավանանքի լիակատար ազատություն շնորհելու, հոգևոր կրթություն ստանալու հարցում խոչընդոտներ չհարուցելու, ինչպես նաև աղքատների ու անապահովների հարցերով զբաղվող նախարարություն ստեղծելու մասին է:

21:30 Փորձագետի կարծիք | Կիրակի 11.03.2012

http://www.1in.am/arm/regional_expert_65879.html

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out / Փոխել )

Twitter picture

You are commenting using your Twitter account. Log Out / Փոխել )

Facebook photo

You are commenting using your Facebook account. Log Out / Փոխել )

Google+ photo

You are commenting using your Google+ account. Log Out / Փոխել )

Connecting to %s

%d bloggers like this: